Në fushën e biznesit, fusha e udhëheqjes dhe orientimit strategjik përfshin studimin dhe praktikën se si liderët i udhëheqin organizatat në vendosjen dhe arritjen e qëllimeve dhe objektivave të tyre afatgjata. Kjo fushë eksploron stile të ndryshme lidershipi, proçese vendimmarrëse dhe kulturë organizative për të optimizuar drejtimin strategjik të një organizate, për t'u përshtatur me mjediset në ndryshim dhe për të arritur sukses të qëndrueshëm.

Funksionet e Administrimit të Biznesit tradicionalisht kanë përfshirë katër funksione si: planifikimi, organizimi, drejtimi i burimeve dhe kontrolli, me qëllim realizimin në mënyrë efektive të objektivave organizative.

Programi siguron një sekuencë udhëzimesh të specializuara në teorinë e kontabilitetit, kërkesat e raportimit financiar, çështjet e matjes së kostos, kontrollin buxhetor, auditimin, detyrimet tatimore dhe doganore, si dhe sistemet e menaxhimit financiar që e ndihmojnë studentin të përgatitet për tregun e punës.

Në fushën e biznesit, fusha e biznesit dixhital, e njohur gjithashtu si e-biznesi ose biznesi elektronik, fokusohet në përdorimin e teknologjive dixhitale dhe të internetit për të kryer aspekte të ndryshme të operacioneve të biznesit, transaksioneve dhe ndërveprimeve.

Praktika e Marketingut shihet si një industri kreative, e cila përfshin reklamën, shpërndarjen dhe shitjen. Në fakt, paketa e shërbimeve të marketingut është shumë më e gjerë dhe e specializuar. Marketingu pararend nevojat dhe prirjet e ardhshme të konsumatorit, të cilat shpesh zbulohen përmes atij që quhet “market research”, kërkim tregu.

Menaxhim i Burimeve dhe Kapitalit Njerëzor ka në fokus mekanizmat e rekrutimit, përzgjedhjes, dizajnimit të sistemeve të kompensimit, zhvillimit të vazhdueshëm të punonjësve, menaxhimit të tyre dhe menaxhimit të karrierës së tyre, të cilat ndikojnë në krijimin e një fuqie punëtore të angazhuar dhe produktive.

Sipërmarrja ka në fokus krijimin e vlerës nëpërmjet zhvillimit dhe/ose zgjerimit të aktivitetit ekonomik, duke identifikuar dhe përdorur produkte, proçese apo tregje të reja, duke e parë këtë aktivitet si aktin për nisjen e startup-eve dhe korporatave të ndryshme.

Nxitja e të menduarit strategjik, i bazuar në studimet e konkurrencës dhe progresit social, ndërton perceptimin që konkurueshmëria brenda një ekonomie kombëtare dhe përtej mund të rritet më së shumti nga start-up dhe krijimi i kushteve të favorshme për lindjen e tyre.